प्रहरीले थुनुवा मध्ये जनजातिलाई बढी यातना दिन्छः अध्ययन
प्रतिवेदनमा भनिएको छ, "जातीय रुपमा पिछडिएकामाथि यातना तथा अमानवीय व्यवहार बढी हुने गरेको तथ्य एड्भोकेसी फोरमको एक दशकभन्दा लामो हिरासत अनुगमनको अनुभवले देखाउँछ ।"
प्रहरीले थुनुवा मध्ये जनजातिलाई बढी यातना दिन्छः अध्ययन
नेपाल प्रहरीले जातिगत आधारमा आदिवासी जनजातिलाई सबै भन्दा बढी यातना दिने गरेको खुलासा भएको छ । मानवअधिकार क्षेत्रमा कार्यरत एड्भोकेसी फोरम नेपालको अध्ययनले जनजातिमाथि बढी क्रुर र अमानवीय यातना दिने गरेको तथ्य सार्वजनिक गरेको हो ।
एड्भोकेसी फोरमले हालै काठमाडौंमा सार्वजनिक गरेको 'नेपाल यातना रोकथाम तथा अनुसन्धान गर्न सरोकार असक्षम वा अनिच्छुक ?' शीर्षकको प्रतिवेदन अनुसार थुनुवा मध्ये ४५ प्रतिशत आदिवासी जनजातिमाथि अमानवीय यातना र क्रुर व्यवहार गरिन्छ । त्यसमध्ये नेवार ३ प्रतिशत र तराई मधेशका आदिवासी जनजाति १६ प्रतिशत छन् । २० जिल्लाका ५७ हिरासतमा रहेका ३७७३ थुनुवामाथि गरिएको अध्ययनमा जनजातिहरू प्रति राज्य बढी आक्रमक देखिएको हो ।
प्रतिवेदनमा भनिएको छ, "जातीय रुपमा पिछडिएकामाथि यातना तथा अमानवीय व्यवहार बढी हुने गरेको तथ्य एड्भोकेसी फोरमको एक दशकभन्दा लामो हिरासत अनुगमनको अनुभवले देखाउँछ ।"
प्रतिवेदन अनुसार हिरासतमा यातना पाउनेमा बाहुन ८ प्रतिशत छन् । यस्तै क्षेत्री २३ प्रतिशत, दलित १३ प्रतिशत र मुस्लिम ३ प्रतिशत छन् । यातना पाउने थुनुवा मध्ये ८ प्रतिशत बाँकी जातिका छन् ।
प्रहरी हिरासतमा रहेका मध्ये २२.३ प्रतिशतलाई यातना दिइएको फोरमकी अध्यक्ष मन्दिरा शर्मा बताउँछिन् । उमेर समूहको हिसाबमा बालबालिकाले सबैभन्दा बढी अर्थात ३४.७ प्रतिशतलाई यातना दिएको देखिन्छ । २० जिल्ला मध्ये कास्की र पोखरामा बढी यातना दिइएको छ ।
No comments:
Post a Comment